JBL Olympus S7R、S8R System

JBL Olympus 兩對，S7R、S8R，60 - 70 年代東西， 保存非常良好，單元全正常，原裝低音黃邊，兩款 都是頂級配置，喜歡那對適隨專便。 『圖片中兩對 已售，還有同款存貨，謝謝』

JBL L-100 Century in stock

JBL L-100 Century 第一代版本，再度來貨，不用介紹， 被喻為經濟版 4310，靚聲而且好抽得！「圖中這對已售， 還有一對，同期的」 『5 對已售出』

TANNOY Integra HPD-315

Tannoy Integra Hpd-315，12 吋天朗藍頭，原裝箱， 一貫英國天朗聲底，泡沫邊全新更換，大象主理， 喜歡的朋友不要錯過。 『已售』

Electro-Voice T-350 高音單元

Electro-Voice T350 高音，8 ohm， 罕有美品。 『這對已售，還有存貨』

JBL C61 Sovereign S7 System

16 ohm version，與 Olympus 同樣配置，箱體較 小型，六十年代古董 JBL，美品！ 『已售』

車．．．．有什麼好說？（3）

10. - 2006 年賣走 Gino，機緣下買入這部 92' AE100 Wagon 14 年車 4A 機器，回來時 4AT，的確係舒服，不算大食 但我又手痕，於是抬 5 速手波，換頭 Tein 攪牙套裝， 尾 KYB 四段，因尾行彈弓片式，沒有攪牙可用，於是 裝 low 低件改低二吋，其他沒甚特別，此車尾座可完全放平， 形成一個幾大空間，往後兩年出入送貨沒問題，車 好飛 handling 好好，111 原裝鈴配 195/50 胎，相當好 渣，開始有賣古董便渣古董車之想法．．．竟然此 車也高收視率，經常泊街被問價！不是吧．．．． 三唔識七問我賣唔賣呀，通常我都笑笑話自用好了， 好過癮的，用兩年多，終於被一位瘋狂叔叔買起， 叔叔在停車場泊車，油門當腳制，把我部愛駒撞散了， 「又一位不適宜駕駛者」唉．．好傷心，叔叔也 願意賠償，但維修極貴，牽涉到燒焊拉陣，整份頭 料需要更新，頭蓋尾蓋連數顆燈類，唔整啦！賣了 給妹夫作零件車，冇眼睇！失去此車我覺得好遺憾， 這類「玩車」，要從新遇到一部合意的，相當之難， 當然不喜歡的，就說只是一部 Corolla 貨車之o麻。 決定計劃買過部一模一樣的，四處找找看， 怎料．．． ．． 注：此車做過小妹妹花車，有圖片。 11. - 2008 年自從心愛古董 100 仔受終，立即四周圍 搵車，始終要載貨，不買 Van 仔也要七人車吧？ 於是放棄找 100 Wagon，初步看 Townace 都不錯啊， 看了兩部 97 製的，豐田價好硬淨，而且好像不甚合眼緣， 總覺怪怪的，及後妹夫提議不如再玩蘋果 C23，我話：o下！ 不是吧，C23 冬天用就好，大熱天時好熱喎(個屁股．．)， 於是又找找看，28car Serena 盤挺多的，價錢又經濟， 年份也算低，就是這樣買入 98' Serena C23，因妹夫仍在 玩 C23，又在玩兄弟車，哈．．哈．．． 此車整體不錯，之前只係二位前任車主，保養還可以， 100 %全原裝，這是正 98 尾期型，內籠跟早兩代不同， 用料較豪華，以致整體車重也增加了，原裝 14 吋鐵鈴 加鈴蓋，195/70/14 胎，行車較搖晃，彈下彈下咁樣， 跟早年部第一代不同，沒天窗、絲絨座、沒旋轉中座， 尾座不能左右摺疊，代之兩排行路軌的大沙發，只可拉 前移後，地台比舊款厚二吋，想是為遮蓋兩段路軌吧， 其餘差不多，此尾期型頭料、頭尾燈造型有點新穎， 怪不得很多一二代走去改這尾期款，整體上很有親切感。 又是身痕時間，第一日取車，更新大部份損耗品， 機油、機油隔、波箱油、波箱油隔(出面冇人願做的) 風隔、火咀等，更換 Tanabe 套裝避震，16 吋鈴 205/50 胎，尾改裝上下拉杆，一改車尾即時跌低 兩吋半，初時整好放o即嚇了一跳，嘩！低好多， 夠了夠了，此時還未有包圍，四處找找也很少， 妹夫有頭尾但沒群腳，始終唔齊料，先加裝雨檔， 部車逐漸成形了，開始晚晚上日本網尋寶．．．． 渣此車兩星期，發覺力水耗油等跟早期型有明顯出入， 好大咬呀！我只行市區，很少高速路的，妹夫說 部車的地台膠墊加上中尾座沙發，比早期型重多三百 多磅，SR-20DE 機器一樣，就是這幾百磅，加上 4AT 如要飛車油門要踩好深的，既然日常不會裝 8 隻蘋果， 兼要載大喇叭，索性拆掉尾椅，希望偷輕一點，這 動作也有點用，起步加速好點，但仍要 $2.2 - 2.5/km 油價 $16.97/L，想過連地膠中座也拆，找一套早期中座 改裝，但這沙發坐的很舒服，捨不得改動，於是實行 plan B．． 妹夫一向有儲零件的，成架零件車也有，有日往探班， 看到一台日本手波機器連手波箱，噢．．．一陣熱氣上心頭， 自己在盤算改一改，得唔得呢？！渣 AT 舒服o麻．．． 明知大手術，考慮兩三日，好！來就來吧，於是約好時間 一晚搞掂，初步試車感覺良好，但似乎沒想像中好駕， 需要一點時間適應，入第一缸油計計數，呵呵．． 的確省油多了，力量也得心應手，什麼波檔由我控制， 喜歡溜空波都得，真的爽怏很多，初步非常滿意！ 渣了兩個星期，發覺波箱有點小問題，如是者又要再甩 低個波箱檢查，既然要甩，唔好慳，買過套全新三件頭 更換，碟、總承、啤令，分泵也換一個新的，實行徹底 地，希望襟玩一點，又忙了一個通頂，有少少自討苦吃 感覺，最後較位裝好，試試．．．OK 個極力子好輕啊， 實在太興奮了，這套新料可行三年以上吧。 此時剛好在日本拍賣找到一套四件頭包圍，深灰色的， 個價非常合理，立刻找朋友代辦，前後等了個半月， 終於到手，實物與拍賣相一樣，包裝很好沒有撞爛， 山長水遠日本入櫃，運送過程無保證的，算我好彩吧， 顏色似乎差幾度，遠看差不多，唔理咁多裝上看看先， 效果良好很滿意，這群腳多年來未在街見過，好可能 全港獨一無二．．．

尾泵把是整個更換的，要型又要跌 $ $，裝上後發覺尾

喉頂著，一來行車隆隆響，二來拍著火，想鋸短一點，

好像又不好看，淨燒個喉咀都三舊幾，索性整個尾喉

更換，這間本地製作很出名的，隨便書仔找到，裝了個

仿無限 S 回壓，Size 適中，現在不頂了，而且好看很多，

最好就是沒甚聲響的，只是取其形，現在部車成形了，

下一步應該是噴油，因車身有點凹痕，如果有 $ $ $，

可能轉我喜愛的白色，發下夢先啦．．．

從頭算算，搞東搞西，已經貴過車價．．．．

下圖是妹夫部愛駒，四輪拋沙板，香港得一部搞到咁樣！

下圖一位日本人的包圍款式，我就是裝上這款，日本料 好像是好點的，是嗎？！

下圖這部 EP82，因早排部 C23 經常要調整，在車房 隨手拿作代步，說老實買下這車也不算過份，未駕駛 過不會明白的，所謂燈位皇．．．我現在明了！ 而且也高收視率．．．

http://www.kroon-oil.com/en/products/catalogue/seg_aut/krmo/68/automotive/kroon-oil-motoroils/emperol-10w40/tab-specificaties/

今日入車房換機油、波箱油，老友介紹試一隻荷蘭 Kroon 機油，

再試另一隻 United 波箱油，初步感覺很好，機器即時暢順

寧靜，行車力量來得很直接，潤滑度數適中，力量流失比較少，

似乎幾適合我等中置引擎，發熱量較高車輛使用，行多一個

星期，看看變化如何，聽朋友說對省油也有幫助。

12/2008 用這機油個多月，覺得變化不，機器依然暢順，以前

用蜆殼最貴的，大概一個月便起變化，像是化成水一樣，

的確有距離，Kroon 省油是真的，上星期入油算算，竟然是

不到 $1.5/km，當然油價亦相對地下調，一部 2000cc 車做

到這數值，我非常滿意，農曆年前再換，當然又要捧老友場，

荷蘭 KROON

～～～～～～～～～～～～～～～～～～～～～～～～～～

今日自己動手，製作了一個日本 Highway Star 牌，

電腦畫稿，不銹鋼製造，把原來 SGL 三隻字遮蓋，

效果不錯吧！

順便換了一部全新後級，推 4 Channel 用，美國機係

好聲一點的，舊有的 Kenwood Bridge 左推超低，

效果也幾好，下一步想裝隻 15 吋！．．．

～～～～～～～～～～～～～～～～～～～～～～～～～～

等這個 R33 呔環，等到頸都長，終於到手了，相比原裝

呔感好的多，自自然又開快幾 K ^__^'

12/2008 這是最新的模樣，日本正廠 Highway Star

頭泵把，全套 Bodykit 完成，個感覺真係好正！

待 續．．．．^__^

車．．．．有什麼好說？（2）

8. - 2000 年閱一本便便找到此車，92年前期甲種款，

8座、皮椅、雙天窗、旋轉中座、電子波箱等有齊，車還

算精神，有翻新痕跡，跟車 17 鈴，用一個月後換了更闊

一點日本 17 吋鈴、215/45/17 薄胎，以此車重量計，相當

好飛，個人很喜歡尾輪帶動，覺得較有實在感安全感，

但之後經常載人載貨，又做司機．．．此車令人有

駕著也興奮感覺，外形夠傻吧，日產八個蘋果喎！

由於中置引擎尾轆車，引擎室溫度比較高，保養工夫

也較密，每三千里換基本損耗品，偈油、油隔，波箱油、

尾牙油隔一次就換，風隔喜歡就換，這年頭每日粉嶺九龍

穿梭，有時小小飛車，$1.4 - 1.7/km，

2000年油價約十元一升，我覺得好滿意，半年後做汽車

維修的妹夫也買了一部，但中期型 94'，只看到份頭料有

不同，絲絨座椅，其餘沒甚分別，一起出街就好像兄弟車

幾好玩．．．．

2003 年尾副 SR-20DE 機器，開始來料，最後一個盤(近車尾)

入水，上城門長命斜最見功，未上到尾會自動熄火，被水浸

熄吧？左整右整抬機器等等，發現開始大食，不對路了，

係時候講拜拜，用開大車，突然間好懷念部大發 Cuore，

周圍找找看，最後落實出部新車．．．又玩660？

9. - 2004 年新車，Daihatsu Gino L-700 Turbo intercooler，

手波，車行回收我部 C23 五千元，此時大發已歸豐田旗下，

就當買了部Toyota，銀色要訂的，估計現仍在街的銀色

不出三部，起燈位一流，日本 Kcar 法例 140 錶，

一陣就爆錶了，絕對有 turbo 車感覺，自己又

沒心裝個 speed meter，如裝後加小改，舊六隨時沒問題，

可能此車復古款，有高收視情況，多次泊街被拍照，

似迷你仔吧，唔知點解，無論泊街吃飯、洗車，部車

經常性被圍觀，唯一剛剛開始做音響生意，大喇叭

裝不下，0.9 - 1.1/km 幾慳油的，直至 06 頭開始感覺

部車的確好好，但實在太細，於是首次在 28car 試放，

有人買便賣，沒有就繼續用吧。

講起 28car 哥哥仔試車，有段驚心動魄場面，經 Email

與準買家約好，晚上九時荃灣廣場會面，夜晚看車要開電筒，

點看得真？準時到達，對方兩部勁野剎到，掃把佬 Legacy

Wagon、新款 Cooper 大S，共 6 位型人過來，原來準買家

是個 26 兼昨天才正式取牌的後生仔．．．．

我第一句問：朋友仔你驚唔驚呀？正式出過街未？

佢點答我呢：話考牌時渣過囉！？

佢其中一位幾懂車的 (Cooper 車主)，全車周圍睇睇睇，

二十分鐘後，我話你有心要都試試啦，好唔好？哥仔說好的。

Ok，佢渣車啦，我坐隔離(預左隨時拉手制救命)，Cooper

朋友坐後面，三人試車，好開得．．．．嗯？成兩分鐘都

開不到車，哥哥仔話 d 手腳搞唔掂．．．我正想說不如算

吧啦，後面 Cooper朋友話不如由我試比佢睇啦，Ok，又

得o者，上荃灣路衝一段試齊五粒，轉落已沒車行工業區，

問佢咁而家試唔試呢？你得唔得架，佢又話想試下，開車

三次死火，終於叫做行到，咁帶佢行下高速啦，又上荃灣路

直落有線回旋處，諗住一個圈返回原地收工，佢完全冇意識

4 波衝斜路落回旋處，我仲要幫手睇位，慘過教仔！我話仲

唔拖低一粒，嗱 ~前面回旋處入第三個口，佢就狂比油向前衝

直指屯門，唉．．我仲要幫手撥軑，冇得救直上啦直上啦，

上了屯門公路！我話細佬定 d 來，唔緊要照行，我地深井

至回頭啦。

去到深井，我話停一停先，我要抽返飛煙定定神，差 d 比你

嚇Q死呀細佬！「當時我心想，細佬你已列入不適宜駕駛行列」

跟著 Cooper 朋友自告奮勇回程佢試，又得o者．．

呢位人兄總算懂車，開得到上屯公，時 100 時 90，我任你試

去到汀九落斜段，突然靈光閃閃兩下，唉！死未丫．．．．

佢話嗯？咩事呀？我第一時間睇睇佢個錶，95、97到啦，

我即時話麻煩你陣間比 d 個人資料我，阿 Sir 放飛箭唔該

你自己認頭，你剛剛比白鴿籠影張靚相呀！

回到原位，取得車手資料，佢都自動自覺，冇甚特別，

咁問細佬你點？岩唔岩？佢同女朋友都相當喜歡部車，

講價．．我平了一點，佢話考慮三日，Ok．．走人。

終於一星期後，呢位年青人真的來電要買，左籌右借

砌夠畢錢，翌日一同往運署轉名搞掂，咁橋告票也寄來了，

一次過搞清所有手續，Cooper 朋友被影 88km，自己認頭，

填駕駛者資料，我就冇事o勒，總括來說部車將來

應該會幾痛苦．．．．

以後再放車的話，唔好搞世伯啦，比車行賺好了！

注：Gino 也值紀念，小弟自身成家立室之用，

而且一滴「貴油」未沾過，貴者．．明啦。

車．．．．有什麼好說？

自從考獲車牌後，與車結下不解緣，印象中 很少身邊沒有車，就算車子入廠維修，怎也要弄一部 回來，就像沒車子的日子不好過，以前後生未夠年齡 考牌，很喜歡坐老爸開車，福士Karman (很似保 時捷 Classic 那款）、福士Golf、Datsun 120Y、 Datsun 280GT ，坐坐車洗洗車也過足癮頭。 1. - 1987 年，人生第一部車，Mazda E2200 貨Van， 原裝香雞胎，一個當時 20 出頭呆子，美其名出部新車學人 做貨運，實則日日走去片．．．Ok 半年！只是半年連 人帶車飛落大尾督魚塘，白痴的 120km 由新娘潭燒烤 回程，同車五位同學仔幸保命仔，愧疚多月，世界末日， 車就 Total Loss，兩個月不敢行近司機位，還上了第日 報紙頭條。 2. - 1988 年，第二部都是 Mazda E2200，也是原裝香雞 胎，跟第一部同是全新的，今次個人踏實多了(以為．．) 的起心肝勤力開工，二來日日可以駕駛，當其時生意還好， 老友托賴總算找兩餐，小意外經常發生，搵食車習以為常， 較嚴重一次青山舊路錦繡段，心急超車，怎料前車還有死車， 對線紅小巴又不相讓，形成自裝陷阱，收到盡也碰上小巴， 哈～小巴佬笑說交學費吧．．二千元，趁阿 Sir 未到速逃。 三年後這部愛駒終於抵受不住我極端駕駛，最後在屯公大 欖段上斜自動死亡，部車突然好靜好靜的，燒車頭了， 經大修後用了一排賣了，這部車值得紀念，在其中一間 包車的商店，認識我現在的太太。 3. - 1992 年買了朋友的 Hiace 1.8 電油Van，車屬 85 年 款，方燈麵包頭，軑 4 速，比一般柴油版短 6 吋，這部神 車利害，四條胎鴛鴦六七四，亦經常被小弟踩爆錶，此車 160 錶的．．．始終逃不過命運安排，爆偈而去，停放草叢 個多月，有一日跟太太 shopping，見到大發車展，全新 Cuore 660cc，$52,000. 還回收我的待劏 Hiace，收六千， 翌日即辦手續，十日後小弟正式第一部私家車 Daihatsu Cuore。 4. - 1993 年 Cuore L-200 當年只得紅、黑、白三色，開正 ^_^ 一向喜歡白色，四速手波，沒有 turbo，140 錶，日本 小型車，車身輕關係，操控非常之好，新車第五日，借 給友人試試，只行了三條街就碰上路邊一輛死車，我坐 隔離已第一時間抽手制，奈何駕駛者不是我，朋友當然 肯賠，但也很肉赤吧．．．於是換沙板、泵把，索性裝 多條唇。

此時已轉行，沒做貨運了，四年來一直以此車代步， 每日新界、九龍來回，日行 8、90km，當時油價， $0.6/km，相信今生今世不會再遇到這樣好車！96 年 發生較嚴重意外，吐露港廣福大斜路，剛轉直路，時速 80km，前面 730i 突然超級 ABS 停定，自己收到鎖轆 冼過去頭尾相撞，BM 就是硬，只是尾杆沾了一丁點白油， 我車頭就毀爛不堪，頭蓋成 V 字，爛燈、爛泵把，龍門 架縮入、一邊陣咀也歪了，無論如何也是我撞人，一定 蝕底吧，BM 車主看看自己部車，再看看我部車，他亦 覺自己沒留意後方情況，如他停定後立刻向前一小溜， 意外應不會發生，怎也好，BM 車主不用我賠償，當然 我要自付維修，整了六千塊，人沒有事算不幸中大幸， 整好後用多半年拜拜，賣了。

注：此車仔做過三次兄弟車，載姊姊貪佢夠迫．．． 5. - 1998 朋友介紹買入 BMW 325i E30，4AT 電子波箱，

88 年中期款，今次落足料，16 吋Ewing 三夾鈴薄胎，大開孔碟

大卡鉗，Bilstein 套裝避震，尾轆車信心十足，舊八轉眼就到， 操控無話可說，寶馬即是寶馬，可惜冷氣時有時冇， 有時行駛途中會死火，電子東西夠期吧，每月都有機件 要維修，因為喜歡 E30 夠 classic，前後都玩兩年， 最後當零件劏。

注：此車做過三次兄弟車，班老友係要搞下我既！ 6. - 1999 年與 E30 同期擁有兩部車，Ford Scorpio 2.9i 95 年車，整多過用，比寶馬要差很多，唯一 Kick down 時有 3000cc 感覺，好好力水，坐此車像坐船，內籠夠 豪華舒適，最後也是劏，四年車就要劏，還要叫拖車， Ford．．．怕怕了。 7. - 1999 年尾買入 Corolla AE100 四門房車，4AT，93 車，終於 比我遇到部真正好車，又慳油又好飛，塞車時又舒服， 太太駕駛也沒問題，日本豐田信心保證，後來讓了給小妹 和男朋友用，新牌．．．又要翻新又要噴油，又貼紙等等， Ok 第七日撞散了！幸好 100仔鋼水好，中度維修，冇問題， 整好後妹妹繼續用，而我無離頭走去買了第一部八人車， Nissan Serena。

注：此車也做過一次兄弟車，有咁多兄弟既咩？？

待 續．．．．．

JBL C50 Olympus S7 System

Olympus (奧林巴斯) S7 16 ohm version，最美的 藍頭單元，全順組合，甚麼是全順？即箱子、單元、 以致分頻器序號相連，外觀超級完美，面網完整無缺， 能擁有這等古董美品，實屬難能可貴，請抓緊機會， 謝謝。 『已售』

Altec Lansing 878A Santiago

Altec Santiago 70年代製品，原廠配置，15吋低音， 狀態良好且靚聲，仍保留原裝面網，體形適中，地方有限而 想玩號角喇叭，這對值得考慮。 『已售 』

JBL L-100 Century First Generation

七十年代，最早期三路鋼磁，聲音連貫性最佳之 L-100！ 『已售』

JBL C50 Studio Monitor S7 System

C50 S7 System，60 年代產品，LE15A、LE85、LX5 組合， Olympus S7 之經濟版本，美品！ 『已售』

在店貨品 JBL 4430 Studio Monitor

狀態很好，15 吋低音邊全新由大象更換， 信心保證，原裝面網，原裝單元。『已售』